Закарпатський гороскоп на 2019 рік: що підготувало знакам зодіаку Земляноє Свинча

18 січня 2019 18:39 Переглядів: 1739 Коментарів: 0 Друкувати

Яким буде 2019 рік для різних знаків зодіаку і кому пощастить у рік Жовтої Земляної Свині? Пропонуємо дізнатися всі відповіді у нашому закарпатському гороскопі!

БАРАН (21.03 — 20.04)

Огняним цімборам фест повезло на сись раз, бо цілий 2019 рюк Земляноє Свинча буде благотворно на вас вліяти. У фебруарови, як свинча прийде прийдеся заботи про гульки тай празники – Барани із захватом начнуть бізнесовати і освойовати нові і разні роботи, онь зимля буде горіти.

Гонно боти так, ош не вшитко ся буде нараз давати, айбо у рюк Пацяти собитія будуть файними, интиресними і перспективними. Якби ото тяжко не боло Барани зможуть пройти через препятствія і получити поддержку од файти тай цімборів.
Перша половина року у вас буде поворотнов – судьбоносні встрічі, важна чилядь і рішення, продвіженії по карєрних гарадичох, гонно ся стати, ош ви переїдете в иншакий вариш авадь країну (і не обізатєльно на зароботки, може і просто так). Сесе вшитко буде у період з фебруара до юлія 2019 року.

У літі 2019 подарить Баранам насищенний ритм, чилядь сякого знака постараться боти всягде де лем мош, хоснуючи довгожданні шанси тай будуть мати правду.

Осінню і у зимі ви гонни перемінити своє ставлення до тих, ко коло вас і через сякоє гонні сьте перемінити своє життя до ліпшого. У сись час ліпше отказатися од короткочасних романів тай случайних связєй, особенно сесе касаєся замужніх і жонатих. Вам од такого ліпше ся одказати на охтема, не лем сього року!!!

Ближе уд зімі ваша енргія ся поубавить і се буде прекрасний період оби провести бюльше часу із свойоф файтов.

Хлопи-Барани: 2019 року вам ся буде удавати вшитко, главноє упрямство і йти до свойих цілей, не бюйтеся ничого. Може вам ся захоче занятися бізнесом, довго не думайте, а робіть, лем не тот бізнес де треба судідам за бугор цігаретлі возити. Удача будет на вашому бокови!

Жони-Барани: у сись період будете ипні, ги нико другий, повні сил тай енергії, будете устигати вшитко і засобов позерати, і за чоловіком, і за дітьми, і за хижов, і за сусідков Марьов, ош де ї ізась фрас понюс, правда не вшитко буде так глядко, бо пару серій любимого серіала ви таки пропустите за вшитков сьов суєтов. Не замужні Жони-Баранихи мавуть шанс до кюнця року вуйти замуж!

БІКА (21.04 — 20.05)
Факт тот, што цілий 2019 рюк проходить пуд стихійов Землі і Біки будуть мати шанс узяти од життя вшитко, што будуть хотіти. Ви дюстанете привілегії у професіональнів сфері тай у бізнесових интересах. Най вас сякоє не чудує, ви сього року і ліноватися будете з хосном для себе.
2019 рюк подарить Біці удачу і успіх не лем у нових начинаннях, а і в тогорічних проектах, натхнення захватить вас із новов силов. Нові задумки будуть приходити до вас букавально каждий динь, а самі Біки зможуть удачно реалізовати свої плани тай ідеї. Хоть задумів буде повно не усі они ся здійснять, но се якраз тот случай коли звіздам з висока видніше як ото для вас буде ліпше. І у результаті вшитко буде щи майпаранно чим Біки собі могли представити.

У концьви весни на началови літа 2019 року много зі Бік гонні ся вженити авадь стати батьками. Роботи із-за сякого діла буде доста, а чуства будуть змішані. Наша рада наладитися на серйозну волну і мош сміло іти у, господи прости, ЗАГС, даже кіть ви ся у чомусь сомніваєте, так даже інтересніше ;)

Уже в новемброви 2019 року Біка нашпурує файну суму горши на яку зможе без проблем купити машину на словацьких номерах, хижку у Лопухві, а на уже Новий рюк у Буковельови грош не стане, перебачте. У зимі гороскоп Біці обіцяє не дуже довгу, но интересну комадіровку у другий город чи країну.

Хлопи Біки: кіть ви одинокі, та маєте шанс встрітити свою половину, а кіть ви її уже маєте та довго не чекайте, бігом тягніть дівку в ЗАГС, докі вна не утікла.

Жони-Біки: як нико мають возможность до кюнця року отдатися, а май шіковні, щи й уродити встигнуть!

ЄННАКІ (21.05 — 20.06)
Єннакі у 2019 році будут нагороджені за свюй легкий характер. Розміщення Єннаких у тріаді воздушних знакюв (Єннакі, Ваги, Воднар) у 2019 році буде таким, што і у небеснюв сфері они займуть місто у так називаємому мутабельному хресті (Стрілець, Єннакі, Рибки і Панії). Мутабельний означає подвижный, рухливий, такий што ся годен поміняти. Ситуція у 2019 році не перечить характерови знака Зодіака. За любих нечеканих ударах судьби Єннакі не потірявут упевнености. Бюльше того будуть чуствовати себе, ги у свойому танірови. Просто обойдуть усі препятствія і пуйдуть дале, кіть ся стане дашто не так.

До фебруара 2019 року воздушні Єннакі будуть мало у подвішеному стані, бо Пацято пообіцяло вшитко: і успіх у ділах, і щастя у любві, і даже финансовую удачу, айбо ушіткі сісі дари получать лем трудолюбиві і відповідальні представники знака.

У марті і апрілю Єннаких чекать интересні тай заманчиві пропозиції, жизнь буде бурлити як на роботі, так і на газдювстві. Єннакі почуствувуть тягу до творчої роботи, як би не так Свичя ж любить необичних люди і пуддержить таких у всьому.

Літо 2019 року пройде файно і весело. Юль подарить Єннаким перві плоди їхньої роботи, мош буде мало ся розслабити і ненадовго ся отправити в отпуск. Є велика віроятность, што там вы ся познакомите з тими людьми, котрі пак стануть вашими партнерами чи тими кого мош буде схосновати для бізнеса.

Хлопи-Єннакі: откажіться од екстремальних видів спорта, є ризик того, што ся травмуєте, а то никому не треба, особенно вам. Звізди вам віщувуть головокружитєльний роман, у жонатих тоже буде роман, айбо лем із свойов жонов.

Жони-Єннакі: сього року Чінька вам подарить путовки в екзотичні країни, так што Єгипет, Турція, олінклюзів ушитко для вас сього року. Ви маєте шанс до кюнця року вийти замуж і замужні тоже, но тать шанс мавуть усі, нє!

РАК (21.06 — 22.07)

Гороскоп на 2019 рюк Ракам предсказує важні тай перспективні зустрічі. Треба повісти, ош Рак чуствовався у рюк Пса таким щасливим, што коли прийде Чінька малинько ся розтірє і насторожиться. Айбо сильно переживати не треба, гороскоп на 2019 Ракови радить боти оптимістичнішим, товди вшитко пюде у правильному напрямку.

У яри і літом 2019 року ви будете повні нових ідей – творчих і не стандартних. З метов дойти до результата треба внутрінньо наладитися тай прислухатися до того, што говорить внутрішній глос.

З грюшми у рюк Жовтого Свинчати проблем небуде – проценти капкавуть, договорися подписувут, робота кипить. Замляна Чінька радить Ракам шпуровати гроші, най будуть, пригодиться, може комусь позичити треба буде, тать цімбору маєте доста тай не забовайте і себе мало побаловати.

У коньцови септембра 2019 року Рак ся сфарадлує од усяких бесід тай замкнеся у собі, мінімізує контакти, гонно боти ош даже із самими близькими. У професії успіху ся доб’ють тоті представники знака, робота котрих залежить лем од них самих, бо робити у команді їм буде дуже тяжко. У особистому житті сокотіться, гонни боти конфлікти у сім’ї.

Новембер-децембер 2019 подарить Ракам реальний шанс устрітити родственну душу. Сімейні Раки почуствують нереальну фізичну тягу до своїх половинок, з якими вже давно у отношеніях. Страсть возобновиться, огинь загориться ізась. Не тратьте часу на люди, котрі приносять у вашоє життя негатив. Гонні боти проблеми з шлунково-кишковим трактом, гоннисьтеся поправити! міркуйте. Старайтеся їсти у міру, тай хоть мало, а ліпше много займатися спортом.

Хлопи-Раки: серйозно займіться свойим здоровлям. Мало зекномте гроші, зімсть деци, пийте лем пювдеци і здоровля поправите і гроші будуть при вас. А вот на отпускови не еконмте і поїдьте у якусь нову країну, пам’ятка буде на вшиткоє життя.

Жони-Раки: сього року у вас буде много нових знакомств з хлопами із-за бугра, сісі знакомства гонні будуть перерости і у мюцну дружбу, авадь бурний і довгосрочний роман, айбо лем товди, коли того захотять представнці знака. Жони-Раки будуть мати шанс до кюнця року ся уддати і переїхати жити до даякої Швеції чи Швейцарії;)

ЛЕВ (23.07 — 22.08)

Грошивитий і удачний рюк для многих Левів. У першів половині року ви усе будете ся находити у центрі уваги, а ваші заслуги на праці, накониць, будуть оцінені тай пройдете фест гурі по карєрних гарадічох. Уже у марті 2019 року Лево станут любимчиками колектива, а начальник будет ставить Льва у приклад.

Ярь 2019 року подарить вам много нових вражень і хоббі, ви ся познакомите зновими интересними людьми, а они познакомлять вас з новов дєятільностю – вадь мистецтво, вадь езотеріка, вадь нумерологія, вадь чорна магія, шось такоє. Сесе новоє діло спасе вас от нудьги тай безнадьоги і даже може стати джерелом прибутку.

Літом 2019 у сомотніх Левів є велика можность здибати свою правдиву любов. Єднак, чуства будуть на тюлько сильні, же принесуть серйозні переміни: переїзд у иншакий вариш чи страну, зміну роботи чи даже зміну сім’ї. У сімейних Левів буде поповнення у файті, вадь огненноє зарево страсти, якоє буде тримати до кюнця року. У Юлійови Левів потягне на приключенія, а в августі ви ся всерйоз задумаєте про переїзд.

До осіні Лево мало засумувуть, бо за цілий рюк накопиться много як позитивного, так і негативного тай тот негатив начне розрушати предствників знака, кіть они ся учасно не позберавуть і не дозволять собі заслужений оддих, од усьго і вшитких.

Хлопи-Лево: розпреділяйте свої сили і не перенапрягайтеся. Задумайтеся про то, што треба вам і не пилуйтеся рішати чужі проблеми. Розриваючися межи сімйов і роботов, мош подорвати здоровля, держіть баланс.

Жони-Лево: не беріть на себе дуже много, усе помніть про отдих, теба і відновлювати сили не лем робити, тать не рюк Коня і ви не безмертний поні. До кюнця року будете мати шанс вийти замуж і сесе замужество буде щасливим.

ПАНІЯ (23.08 — 23.09)

У 2019 році Панії будуть у своїв стихії, они почуствують прилив сил і появу перспективних тенденцій, тому рюк пройде легко і весело, притому под вліянієм Меркурія. Сесе унікальний момент, коли доступно міняти плин жизні, просто придавая зусиль до реалізації планів. Панії будуть входити до списків везунчиків і до кюнця фебруара будуть одмічати успіх.

Знак Панії относиться до зодіакальної тріади Землі, а стехія газдині року – Вода. Майже і не є більш гармонійного з’єднання стехій, так што основна тенденція року для вас благоприятна. Для Паній сись рюк стане роботов над помилками тай підведенням підсумків. Типирь прийшов час збору урожаю і пожнете, то што посіяли.

Веснов 2019 року отношенія з тими, ко коло вас стануть щи ліпші – повна відсутність нерозуміння, гонно боти, ош одинока Панія даже заведе роман, гонно боти, же даже на роботі. Скорше усього сісі отношенія упослід ся кончать свальбов. І то не фігля, для тих ко не має пари рюк має боти дуже насичений: увлікатєльні події, інтересні зустрічі, створення мюцних, приносящих радость отношеній.

Гороскоп на рюк віщує, ош літо 2019 стане непредсказуємим для Паній. Ви будете мірковати як би то тихо і спокуйно провети час, айбо такой нараз… Словом, ви вшитко увидете самі! Не дивуйтеся, кіть нагло ви приймете рішення переїхати в другу страну, пожинитися, розвестися чи родити дітвака. Главноє не переживайте, вшитко буде добре, по-другому і боти не гонно, бо ви ж любимчики Чіньки.
У новемброви Панії дюстануть интересноє предложеніє од фивника, вадь партнерів по бізнесу. Файно задумайтеся, зважте вшиткі «ай» і «нє», товди лем приймайте рішення.

Хлопи-Панії: удача ся вам буде шкірити, ги никому другому. Роботи буде доста, айбо не за вшитку тоту роботу будуть давати гроші, так што доста волонтерити, подумайте і про себе. Правда ви такі шіковні, што вшитко будете встигати порішати за динь і щи на вичюр устигнете скочити на пивко з ціморами, но сокотіться і не налігайте дуже на пиво сього року і ліпше го замініть молоком.

Жони-Панії: сокотіться переохолоджень ай других лишніх нагрузок на організм, они гонні запустити у вашому тілі ушелиякі хронічні болячки. А щи позирайте бо будете мати шанс до кюнця року ся уддати, переберайте, хоть-кого вам не треба.

ВАГИ (24.09 — 23.10)

Ваги в 2019 році Свинчата получать много интересних пропозицій, як результат будуть мати захоплюючоє приключеніє. Будуть серйозні переміни.

У фебруарови ви, накониць, зможете повностю освободитися од деструктивних зв’язків і наладити контакти з тими людьми, отношенія з якими приносять комфорт і радость. У Вагів появиться бажання учитися чомусь новому авадь перевернути своє хоббі на джерело доходів. Даякі Ваги рішать поміняти роботу, вадь даже нагло получити нову професію. Каждого, ко пюде за свойим натхненням, чекать успіх – вшитко буде робити на вас.

Весна 2019 року буде наповнена яркими подіями в особистому життьови. Гуляти, веселитися, отдихати… Ваги будуть находити час для релакса усе і усяди. Знакомі їм будуть даже мало завідовати. Кіть не позерати на уміння поспати прямо посерег робочого процеса Ваги зможуть гори звернути на професіональнюв ниві, ви проявите себе креативно і заслужите щи більше уваженія посеред колег тай близьких. Такі креативи і «відкриття» подарять не лем визнання колег і близьких, а й файні гроші.

У юлійови через сильну занятість із свойим новим захопленням гонні боти конфлікти з файтов, того постарайтеся не забовати про свойих близьких. Якихись серйозних проблем із здоровлям не очікуєся і самочуствіє буде вас радовати. В отношеніях інціативу беріть на себе, товди жизнь заграє новими фарбами. Для серьйозних отношеній акурат подойдуть літні місяці, а у яри ліпше ся насладити свободов.

В оснени 2019 року возможні вигодні контакти і установлення полєзних связів, може боти новый опыт ай професіиональный рост. Кіть на сьому фоні не пуднімеся матеріальний доход ви легко найдете другі джерела прибутку.

Хлопи-Ваги: ваші цілі на сись рюк мають боти доста амбіціозними, кладіть їх на межі свойих сил і возможностєй. Не ризикуйте і не бізуйтеся на то, ош проблеми ся рішать самі собов, розвиток подій зависить лем од вашого трудолюбія і тверезого розрахунку.

Жони-Ваги: ліпше будьте уважні до деталів і не літайте на небесах, бо упадете з реальності. Робіть, што думаєте, ош буде вірно. Будьте упевнені в собі і ваші плани будуть реалізовані. До кюнця року будете мати шанс вийти замуж, главноє вірьте собі і недавайте си радити, бо нарадять вам усякого повно.

СКОРПІОН (24.10 — 21.11)

Гороскоп на 2019 рюк для Скорпіона говорить про то, што планети представника сього знака вознесуть до успіха.

Представники знака Скорпіона продвинуті і уже на началови ярі они начнуть воплощати в реальность свої желанія тай мрії. Природна хитрость поможе обойти пастки конкурентів, а з помощов інтуіції і трудолюбія Скорпіони можуть досягти успіхів у всіх жизнєнних сферах.
У апрільови 2019 року Скорпиони почуствувуть прилив сил і енергії, они будуть натхненні натюлько, што їм захочеся робити нові проекти, важні рішення і робити вшитко для того, оби они і їхні близькі люди боли щасливі.

Літо-осінь 2019 — поправді майліпший час, для того, оби іти уперед і виключити із життя усіх тих, ко тяг вас униз. Сись період вобще буде якимсь шаленим, робота буде кипіти, муза буде залазити у вшиткі оболоки, а особиста жизнь забурлить майпрекраснішими емоціями і подарить прекрасні чуства. Удача обожає тих, ко рорить тай енергічно рухаєся до цілі, Скорпіони сесе тямлять і ідуть у тому напрямку, што треба.

У зімі 2019 року Скорпіонам требало отказатися од опасних удовольствій, постаратися бюльше радоватися – ваші нервові клітинки мрівуть про нові, яркі і красиві враження, без усяких стресів тай зла. У децемброви представники знака Зодіака захочуть спокуйного і розміреного темпа жізни. Рюк получиться веселим і насиченим разними собитіями.

Хлопи-Скорпіони: сього року увидять плоди свої роботи і у карїрі, і в особистому життьови. Отношенія з любимими, стануть щи ніжнішими, межи любками буде царьвати розуміння, уваженіє тай гармонія, у тот же час розгориться нереальна страсть, з новов силов всполохне уже горяща іскра тай начнеся бурка прекрасних емоцій.

Жони-Скорпіони: у особистому життьови буде сятий покій і ідилія. Тоті ко був сам, у сись період зможуть нажати на такі пімпочки і лем обрести достойного спуткика жізні, а й зможуть создати такі отношенія, які стануть довгосрочними тай принесуть много радости для обох партнерів. До кюнця року вибудете мати шанс ся уддати і за того єдиного, якого сьте собі на ворожили на Андрія, а ко не ворожив, но, бабчині солодкі, ко вам дохтор.

СТРИЛЕЦЬ (22.11 — 21.12)

2019 рюк у Стрильців буде дуже насичений. На началови року Стрілиць, што дуже чкода, почуствує упадок сил, се буде звязано, з переживаннями із-зі матеріальних проблем, не треба буде так аж сильно на сятки гуляти. Помощ прийде од близьких цімборів тай родічів, котрі поможуть найти правильний путь із любої тяжкої ситуації, бо они будуть чуствувати і свою вину за ваші матеріаолні тяжкоти, тать уєдносьте гуляли.

Пюзніше, на началови яри, Стрильцьом удастья боти на подйомі, они будть іти оптимістично по життьови, стараючися не збавляти темп, бо успомнять, ош їхня сильна сторона – цілеспрямованість тай активність.

Осінню 2019 рюк принесе Стрильцям нереальноє натхнення – шатуйте творити, докі «пре». Проекти, котрі начнете реалізовувати у сись час, окажуться дуже прибутковими. Ви маєте розуміти, ош тоті ідеї, котрі прийдуть вам у голову у період з септембра до новембра мавуть боти записані у нотес ушиткі до послідньої. Гонни ся пак пригодити ваші креативи, особенно тоті, што боли записані на веселеньку голову.
Не мош повісти, ош 2019 рюк буде для Стрильців опасним в плані емоціональних провалів тай депресій. А май видко то буде у яри і осінню. Противоположна стать буде шаліти за вами упослід знакомства – йсе прекрасно, но у 2019 році огненним Стрильцьом не треба буде заводити непонятні связі, се ся относить бюльше до хлопів, бо наші жони і так мудрі, а май жони-Стрильці, ниякого інтима на першів здибанці, додайте ліпше бюльше раціональности і прагматизма.

Стрильці-хлопи: сього року вам буде везти, сього року удача вам буде дихати у спину і вшитко за што сябудете брати, буде удаватися якмайліпше. У одиноких з вас можуть проснутися чуства до тих, кого они уже давно знавуть. Айно-айно, майся фест, свобода, сійосток, сім’я!

Стрильці-жони: вашоє матеріальноє состояніє наладиться натюлько, что ви начнете думати про обустройство хижі авадь розширення жилплощі. Сесе гонно ся стати того, што у вас сього року буде шанс уддатися авадь родити дітинку. Сись рюк буде для вас благопріятний у виборі фатьовів, їх буде мого, они будуть разні, файні тай не дуже. Так што припозіруйтеся-переберайте айбо не довго, бо сись рюк ся скоро кончить, а што буде 2020, то уже нико не знає.

КОЗОРОЖЕЦЬ (22.12 — 19.01)

Рюк Свинчати принесе серйозним і відповідальним Козорожцям, котрі люблять, коли вшитко іде за планом, ряд дуже не чеканих, но приятних сюрпризів. Се гонні боти неймовірні переміни у життьови, зміна роботи чи проживання.

Веснов 2019 року у Козорожців реалізувуться давні мрії, появиться бюльше свободного часу і упевненість в собі, свойих силах тай талантах.
У літі в особситому життьови складеся вшитко, ги книжка пише – Козорожці, котрі уже мавуть свої половинки, зможуть укріпити отношенія тай перейти на новий уровень, кіть будуть готові чути не лем свою гадку. Свободні Кзорожці гонні будуть устрітити свою любов осінню.
Осінню гороскоп пророчить високу посаду. Тим не менше у другів половині року, з октобра, гонні ся начати проблеми із здоровлям, звязані з емоційними і фізичними пергузками, но кіть ви будете отдихати, ушитко буде файно. Помніть про сесе.

У децемброви 2019 року ви непросто воплотите в реальность завітні мрії тай ідеї, но щи й перевершите свої очкування. Главноє, не забовати, ош реалізація плана зависить од серйозності намірюв.

Хлопи-Козорожці: рюк однозначно буде позитивним, удасться занятися чимись интересним, надихнутися для росту особистості. Козорожців чекавуть много знайомств, які дуже годні ся пригодити у бізнесі. У особстому життьови будуть судьбоносні зустрічі, котрі змінять абсолютно вшитко.

Жони-Козорожці: у самотньої жінчовки сього року годен боти яркий роман з інтересним тай достойним легіньом. 2019 буде богатий на ключові моменти, і треба повісти, обезпечиний сплошний позитив: дюстаненте жадану должность, прийдуться сватати, до кюнця року маєте порядочний шанс ся уддати авадь родити дітинку. Убирайте, что вам ся бюльше любить. Знайте, перепони на путьови улаштування і особистого життя і успіха на професіональнюу ниві в 2019 році у вас будуть мінімальними.

ВОДНАРЬ (20.01 — 18.02)

Через то, что Воднарь є знаком здіака фіксованого хреста, у 2019 ви будете любимчиками Фортуни. У сьому році у вас ушитко удасться! Ушитко! Докус ушитко! І у космос без скафандра годні будете политіти, кіть захочете, лем чи оно вам треба. В марті-майови удасться завести поправді много новых знакомств, особенно в деловуй сфері, тай убудувати з нима мюцні узаімні отношенія.

У літі і осінню 2019 года Воднарі будуть усебюльше ся появляти у ресторанах і театрах. А шо такоє? Но люблять люди погуляти і правильно роблять, душа просить, тай компанія ся все найде.

Октобер подарить вам мого сил і енергії. Кіть ся хочете добити желанного, научіться у свій час отказоватися од розслабляючих пропозицій. Ви не повірете, но чим ви лем начнете заніматися свойими ідеями і проектами у октоброви-децемброви нарас будуть поступати пропозиції весело провести час. Треба буде находити в собі сили казати твердє «НЄ!», а для Воднарюв, ото дуже тяжко з їхньов життєвов позиційов «За любий кіпіш!» Сесе буде дуже важний період, коли мош буде поправді гори звернути, так што думайте!

Хлопи-Воднарі: гороскоп на 2019 рюк Воднарьови, у якого складуться мюцні стосунки з обранницьов, обіцяє свальбу вадь сватанки. У діловів сферівас чекать успіх руно такий великий кюлько ви прикладете сил до реальзації свойих планів.

Жони-Воднарі: оприділіться з основним желанієм і среміться його реалізовати, оби стати щи ліпшов у всіх отношеніях тай жизненних сферах. Бізуйся лем на себе, старайтеся не розслаблятися і беріть ситуацію у свої руки. До кюнця року маєте шанс учути марш Мендельсона на свадьбі у цімборки-Стрильця, вадь цімборки-Рака.

РЫБКИ (19.02 — 20.03)
Сись рюк вам укаже ош ви рибка-золота, а не геріньги якісь. 2019 складеся удачно, вюн буде плодотворним і радосним, Рибки зможуть полностю реалізовати свої творчі плани.

У рюк Чіньки усі події будуть іти так, ги треба, того дома у Рибок ушитко буде спокюйно і мирно. Майгармонічний час – літній сезон, спеціалісто кажуть, ош ліпше усього поїхати у довгу поїздку. Сімейні Рибки будуть наслаждатися життьом у рокаши із свойов файтов, гонна боти читава покупка для файти, штось такоє про што ви давно мріяли, наприклад хижка коло моря.

У майови вас чекать краєрний рост і, гонно статися так ош ви станете фивником якоїсь крутої фірми. Творчі Рибки зможуть, накониць реалізовати свої задумки: організовати свою виставку, упустити книжку, зяти кіно тай такоє. Їхня робота буде оцінена, ги має боти тай годен найтися чоловік, котрий захоче спонсоровати вашоє творчество.

Чінька, покровитель 2019 року, миролюбива тай вітає труд. Того Рибкам не вартує концентруватися лем на бородьбі за робочоє місто, важно зосередитися на самів роботі. Особенно важно про сесе помнити літом. Подальша ваша судьба буде залежати лем од того, что ви будете робити і як. Кіть на сьому етапі вас бюльше интересує вашоє особистоє життя, туйки ви тоже гонні добитися успіху, айбо у кар’єрі вис я можете добитися бюльшого чим із свойов половинков.

Хлопи-Рибки: не мош зобовати, что нич не паде з неба, того наслідки залежать од ваших рішень і дій. Одинокі легіні у концьови осіні на началови зими встрітять дуже интересну молодицю, что із того вийде покаже час, лем помніть за файними жонами требало файно ухажовати і товди буде сятий поків.

Жони-Рибки: у рюк Жовтої Чіньки лшайтеся собов, і любий фатьов, котрий ся вам полюбить буде коло ваших лабчинят. Ай, ваш єдиний зовсім близько, требало лем зняти розові окулярі і розогнати лишніх ухажорів. І до кюнця року ви будете мати шанс удаттися, лем припозіруйтеся серйозно, бо хлоп ото не баганчі куплені Інстаграмі, «возврату не подєжить».

Новий рюк за китайським календарьом, дата «плаваюча» і настає на другий молодий місяць позад 21 децембра, у нашому календарьови се період од 21 січня до 21 фебруара, так што щи мало часу є, но наша віщунка радить не мереговати Чіньку і красно ся убрати уже на наш Новий рюк і ходити такими парадними аж докі Свинча не прийде.

Ви зайшли як не зареєстрований користувач!